'Jo kuch kaho Qubool Hai Taqaraar Kiyaa karoon
Sharminda Ab Tumhen Sar-e-Baazaar Kiyaa karoon,

Maaluum Hai Kay Paar khulaa Aasamaan Hai
Chut`te Nahi Hain Yeh Dar-o-Deewaar Kiyaa karoon,

Is Haal Mein Bhi Saans Liye Jaa Rahaa Hoon Main
Jaataa Nahi Hai Aas kaa Aazaar Kiyaa karoon,

Hain Waashigaaf Mujh Pe Tumhaari Inaayaten
Jo An kahi Na Ho Use Izahaar Kiyaa karoon,

Pher Ek Baar Woh RuKh-e-Maasoom Dekhataa
khulati Nahi Hai Chashm-e-Gunahagaar Kiyaa karoon,

Yeh Pur Sukuun Subah Yeh Main Yeh Fizaa "Shaoor"
Woh So Rahe Hain Ab Unhe Bedaar Kiyaa karoon.'