Na jaaney Kab Chali Aaye woh Baad-e Saba

Na jaaney Kab Chali Aaye woh Baad-e Saba, 

Dil Ka Darwazah humne Khula Rakkha hai. 

Murjha na jaye ye phool zindagi ke, 

Guldasta Kaanton se saja rakkha hai. 

Daulat-e-Ishq loot na le jaye koi, 

Khud se hi Dil Laga rakkha Hai. 

Mit na Jaye ye Anwaar-e Musarrat, 

Ek chirag dil mein bhi jala rakha hai. 

Fiza ke saath Tum bhi Badal na jao Kahin, 

Dushmano ko bhi Gale se laga Rakkha hai. 

Muhabbat ki Aag jala deti hai gharo ko, 

Aashiyana apna patthar ka bana Rakkha hai. 

Kab Toot Jaye yeh Khawaab-e-Zindagi, 

Maut ko Manzil bana Rakkha Hai. 

Dost Bhi Raqeeb ban Jatey Hain Kabhi Kabhi, 

Kuch Raaz `Tauqueer` Khud Se bhi Chupa Rakha Hai.