Payghaam-e-Muhabbat Ki Khabar Laa Rahe Ho
Tum Aaj Sunaa Hai Mere Ghar Aa Rahe Ho,
Ab Dosh Na Do Unko Kisi Baat Ka Tum
Apne Hi Gunahon Ki Sazaa Paa Rahe Ho,
Kuch Rang-e-Sukhan Badlo, Ho Tabdeel Fizaa
So Baar Kahi Baat Kahe Jaa Rahe Ho,
Maloom Hai Anjaam Tumhein Ishq Ka Dost
Us SHkas Ko Kiyoon Ishq Pe Uksaa Rahe Ho,
Munh Band To Karaa Dain Raqeebun ka Magar
Tum Yaar Ki Nazron Mein Bhi Ruswaa Rahe Ho,
Meri Bhi Talab Ban Gai Duniya Ki CHamak
Tum Bhi To Yahaan Talib-e-Duniya Rahe Ho,
"FarHan" Jee Woh To Hai Zaat-e-Khuda Mein Magan
Sansaar Ki Baatein Kise Samjhaa Rahe Ho.
No comments:
Post a Comment