'ik tum ke dil mainn dard kisii Gair ke liye
ik ham ke dard ban gaye Khud aap ke liye

ham apane aashiyaane me.n tere muntazir
tum tinke chun rahe the kisii aur ke liye

ham jaanate hain dil mainn tumhaare nahin hain ham
jo Khat tumhaarii aaNkhon mainn the ham ne paDh liye

Gam hai ke tuu ne luuT liyaa aitamaad ko
ik daaG de diye hain hamen umr ke liye

qaatil kii is adaa pe bhii qurbaan jaaye
Khud de ke zahar aaNkhon main aaNsuu bhii bhar liye

thii kaun sii Khataa ke milii jis kii ye sazaa
ham ne to umr bhar tere nqash-e-qadam liye

"Azra" ye maanaa bojh hai ab tujh pe zindagii
par zindagii to terii nahiin hai tere liye'