Bohat din tak na phir simta karain ge,
Tumhain yu’n toot kar chaha karain ge,
Teri har saans ko orrhain ge tan par,
Tere har naqsh ko chooma karain ge,
Tumhain chahat se bhar kar bazu’on mein,
Bhari barsaat mein bheega karain ge,
Sunehri dhoop ki kirno’n ke neechey,
Tere zaano’n pe sar rakha karain ge,
Palat kar shaam ko ghar aaon ga jab,
To bahar ghoomne jaya karain ge,
Zamana rashk se dekhe ga hum ko,
Kahin jab sath mein guzraa karain ge,
Tere bin hum magar aye jaan-e-Dayem,
Koi sapna kahan poora karain ge..