Youn bhi hua hai raat ko jab log so gaye
Tanhayi aur main teri yaadon mein kho gaye

Aa dekh tujh se log jo rehty thay door door
Saaye mein teri zulf k chup chaap so gaye

Hum wo jo saarey shehar k kartey thay faisley
Hum log teri chaah mein ruswa bhi ho gaye

Tum kya gaye k waqt ka ehsaas marr gaya
Rooton ko jaagtey rehtey aur din ko so gaye

Ab zindagi k safar mein dhoonda karen gey log humen
Arzaan huey hain itney k nayaab ho gaye