Simat’ta hi nahin aesa safar hai,
Mohabbat bhi bohat lamba safar hai,
Jahan hadh-e-nazar tak raste hon,
Kisi par kya khule kitna safar hai,
Zara dushwaar to ho gi mohabbat,
Abhi is dasht mein pehla safar hai,
Chalo kuch door mera sath hi do,
Phir us ke baad to tanha safar hai,
Tayi’yun hi nahin manzil ka koi,
Hamain dar’pesh anjaana safar hai,
Safar kuch aur bhi hai kefiyat ka,
Tumhara wassal to aadha safar hai..