Wo Larki Bhi Ek Ajeeb Paheli Thi
Piyase Hont The Ankh Samundar Jaisi Thi
Suraj Is Ko Dekh Ke Peela Parta Tha
Who Sarma Ki Dhoop Mai Dhul Kar Nikli Thi
Is Ko Apne Saaye Se Dar Lagta Tha
Suraj Ke Sehra Mai Who Tanha Hirnee Thi
Aatay Jaatay Mousam Iss Ko Daste The
Hanstay Hanstay Palkon Se Ro Parti Thi
Aadhi Raat Ginwa Deti Thi Chup Rah Kar
Aadhi Raat Ke Chaand Se Baatain Karti Thi
Door Se Ujray Mandar Jaisa Ghar Tha Uss Ka
Who Apney Ghar Mai Ikloti Devi Thi
Mom Se Nazuk Jism Sahar Ko Dukhta Tha
Diye Jala Kar Shab Bhar Aap Pighalti Thi
Taiz Hawa Ko Rok Ke Apnay Aanchal Par
Sookhay Phool Ikathaty Karti Phirti Thi
Sab Par Zahir Kar Deti Thi Bhed Apna
Sab Se Ek Tasweer Chupaye Rakhti Thi
Kal Shab Chikna Choor Hua tha Dil Uss Ka
Ya Phir Pahli Baar Wo Khul Kar Roi Thi
Mohsin Kia Jaanay Kyun Dhoop Se Be Parwa
Wo Apnay Ghar Ki Dahleez Par Baithi Thi
My CoNtaCt # Is
0300-7200080
Enjoy My blog.
No comments:
Post a Comment