'Ek Ek Pathar Jor Kay Maine Jo Deewaar Banai Thi
Jhaanko Us kay Peeche To Ruswaai Hi Ruswaai Thi,

Yoon Lagta Hai Sote Jaagte Auron ka Mohtaaj Hoon
Aankhen Meri Apni Hain Par In Mein Neend Parai Hai,

Dekh Rahe Hain Hayrat Se Sab Neele Paani Ko
Pooche Kon Samundar Se Tujh Mein Kitni Gehraai Hai,

Aaj Howa Maloom Mujhe Is Shaher K Chand Saayon Se
Apni Raah Badalte Rehna Sab Se Bari Danaai Hai,

Tor Gaye Paymaan-e-Wafa Is Dard Mein Kaise Kaise Log
Yeh Mat Soch "Qateel" Kay Bas Ek Yaar Tera Harjaai Hai.'