'Gul tera rang chura laaye hain gul_zaaron mein
jal raha hoon bhari barasaat ki bauchhaaron mein

Mujh se katra ke nikal jaa magar ai jaan-e-haya
Dil ki lau dekh raha hoon tere rukhasaaron mein

Husn-e-begaanaa-e-ehasaas-e-jamaal achchha hai
Gunche khilate hain to bik jaate hain baazaaron mein

Zikr karate hain tera mujh se baa_unavaan-e-jafa
Chaaraagar phool piro laaye hain talvaaron mein

ZaKhm chhup sakate hain lekin mujhe fan ki saugaundh
Gam ki daulat bhi hai shaamil mere shaahakaaron mein

Mujh ko nafarat se nahin pyaar se masloob karo
Main to shaamil hoon mohabbat ke gunaah_gaaron mein

               SILENT LIPS'