'teray shanay pay kabhi rakh k yae sar so jatay
roz-o-shab apnay bas aisay hi basar ho jatay


khud numai ka humain shok nahin tha verna
iss tarha jaan lutatay k amar ho jatay


raigzaar-e-gam-e-jana ko basanay k liye
iss qadar ashk bahatay k behr ho jatay


jaan-e-bay faiz ko tasleem nahin tu nay kia
verna sad shok say hum taeri nazar ho jatay


tu sadaf hai humain tasleem hai yae baat mager
saath milta jo tera hum bhi guhar ho jatay


tu kabhi rab say humain mang k takta to sahi
hum teri sari duaoon ka asar ho jatay.'