'*GHAZAL*
Shajar Shajar Pe Jo Jaal Ho Ga,

To Panchhiyon Ka Zawaal Ho Ga;


Sitara Matti Men Gum Huwa To,

Tumhen B Is Ka Malaal Ho Ga;


Wafa Ki Matti Ko Chhoo K Dekho,

Hamare Jesa Hi Haal Ho Ga;


Muhabbaton Men Anaa Rukawat,

Zawaal Is Ka Kamaal Ho Ga;


Jawab Tum Se Jo Gum Huwa He,

Koi To Aisa Sawaal Ho Ga;


Jo Beech Raste Men Toot Ja'a,

Wo Rabt Kese Bahaal Ho Ga;


BATOOL dil Jo Lahu Lahu Ho..!!

To Rang Aankhon Ka Laal Ho Ga...!'