Ye chubban akailay pan ki, Ye lagan udaas shab se
Main hawa se larr raha hon, Tujhe kiya bataon kab se

Ye saher ki sazishen theen, K ye inteqaam-e-shab tha?
Mujhe zindagi ka suraj na bacha saka ghazab se

Tere naam se shafa ho, Koi zakham wo ataa kar
Mere naama-e-bar milay tou, Usey kehna ye adab se

Wo jawan rutoon ki shamein, Kahan kho gayi hain 'Sagar'
Main tou bujh k reh gaya hon, Tou bichar gaya jab se