tazad-e-jazbaat main ye nazuk muqaam aaya to kia karo gay

main ro raha hoon to hans rahay ho, main muskuraya to kia karo gay

mujhay to is darja waqt-e-rukhsat sakooN ki talqeen kar rahy ho

magar kuch apnay liye bhi socha, main yaad aaya to kia karo gay

kuch apnay dil per bhi zakhm khao, meray lahoo ki bahar kab tak

mujhay sahara bananay walo, main laRkhaRaya to kia karo gay

utar to saktay ho yaar lekin maal per bhi nigah kar lo

khuda na karda sakoon sahil naa raas aaya to kia karo gay

abhi to tanqeed ho rahi hay meray mazaq janooN pe lekin

tumhari zulfoN ki barhami ka sawal aaya to kia karo gay

abhi to daman chuRa rahay ho, bigaR kay Farhan say jarahy ho

magar kabhi dil ki dhaRkanoN main shareek paya to kia karo gay