Neend Aai Na Khula Raat Ka Bistar Mujh Sy,
Guftagu Karta Raha Chaand Barabr Mujh Sy,

Apna Saaya Ussay Khairat Mein Dy Aaya Hoon,
Dhoop K Dar Sy Jo Lipta Raha Din Bhar Mujh Sy,

Kon Se Aisi Kami Mery Khad-o-Khal Mein Hai.?
Aaiyna Khush Nahi Hota Kabhi Mil Kar Mujh Sy,

Kiya Musibat Hai K Her Din Ki Mushaqat K Evaz,
Bandh Jaata Hai Koi Raat Ka Pathar Mujh Sy,

Apnay Hathoo'n Ko Jo Kashkol Banaya Main Ne,
Gir Parra Jaany Kahaan Mera Muqadar Mujh Sy..!!