Kuch khushi k saaye mein or kuch ghamon k saath saath
Zindagi kat hi rahi hay uljhano k saath saath

Aaj tak uski thakan say dukh raha hay ye badan
Ek safar main ne kia tha khuwahishon k saath saath

Kis tarha khaya hay dhoka bataon main kesay
Doston k mashwaray thay saazishon k saath saath

shehar mein kuch log merey chahnay walay bhi thay
Phool bhi lag rahay thay patharon k saath saath

Is dafa saawan mein uski yaad k baadal rahay
Is dafa main khoob roya baroshon k saath saath