Muhabbat ka dhuwan aankhon mein paani chor jata hay
Kisi raste se ghum guzre nishani chor jata hay

Hamari guftagu se bhi wo qayil nahi hota
Or apni khamoshi k bhi ma'ni chor jata hay

Bharosa jis pe ho us se tawaqoo koi mat rakhna
Yehi 1 saibaan be-saibaani chor jata hay

Bichar kar bhi hum ayse shakhs se bichra nahi karte
Jo 1 fiqra ada kar k kahani chor jata hay

Wasi' mout bhi kam khobsoorat tou nahi hogi
Jo us ko dekhta hay zindagi chor jata hay