Roothon tau sahi gar koi manane wala ho
Karoon intizaar bhi gar koi aanay wala ho

Bari muddat se nai bheegen ye aankhein meri
Koi tau ho aisa jo rolaanay wala ho

Sab hi haal mera pooch k chalay jate hain
Hay koi jo dil mein samaanay wala ho

Khushiyan tau shayad muqaddar mein hi nahi hain
Milay ghum aisa jo galay lagaanay wala ho

Lutnay ki khuwahish mein chalay qaaflon k saath
Rehbar na mila jo qaafla lutaanay wala ho