Ab Ay Mere Ehsas_e_Junoon Kya Mujhe Dena,

Ab Ay Mere Ehsas_e_Junoon Kya Mujhe Dena, 

Darya Usay Bakhsha Hai To Sehra Mujhe Dena, 

Tum Apna Makaan Jab Kro Taqseem To Yaro, 

Girti Hui Diwaar Ka Saaya Mujhe Dena, 

Jab Waqt Ki Murjhai Hui Shaakh Sambhalo, 

Uss Shaakh Se Toota Hua Lamha Mujhe Dena, 

Tum Mera Badan Orh Ke Phirte Raho Lekin, 

Mumkin Ho To Ik Din Mera Chehra Mujhe Dena, 

Chhoo Jaye Hawa Jis Se To Khushbu Teri Aye, 

Jaate Hue Ik Zakhm To Esa Mujhe Dena, 

Ik Dard Ka Mela Hai, Laga Hai Dil_o_Jaan Main, 

Ik Rooh Ki Awaaz! Ke Rasta Mujhe Dena, 

Ik Taza Ghazal Izn_e_Sukhan Mang Rahi hai, 

Tum Apna Mehekta Hua Lehja Mujhe Dena, 

Wo Mujh Se Kahen Badh Ke Musibat Main Tha "MOHSIN", 

Reh Reh Ke Magar Us Ka Dilaasa Mujhe Dena.' 

          

My CoNtaCt # Is 0300-7200080 Enjoy My blog.