'Farz Karo

Farz Karo Hum Ahel-E-Wafa Hoon,


Farz Karo Deewaane Hoon,


Farz Karo Yeh Donoon Baaten Jhooti Hoon, Afsaane Hoon,


Farz Karo Yeh Nain Tumhare,


Sach Much Ke Meh_Khane Hoon,


Farz Karo Tumhen Khush Karne Ke Dhoondhe Hum Ne Bahaane Hoon,


Farz Karo Yeh Jee Ki Bipta Jee Se Jod Sunayi Ho,


Farz Karo Abhi Aur Ho Itni, Aadhi Hum Ne Chupayi Ho,


Farz Karo Yeh Jog Be_Jog Ka, Dhong Hi Hum Ne Rachaaya Ho,


Farz Karo Bas Yahi Haqeeqat, Baqi Sab Kuch Maaya Ho,


Farz Karo Yeh Rog Ho Jhoota, Jhooti Peet Hamari Ho,


Farz Karo Is Peet Ke Rog Mein Saans Bhi Hum Pe Bhaari Ho...!!!'