'Miley kisi se Nazar to samjho Ghazal hoi
Rahe na apni Khabar to samjho Ghazal hoi

Mila ke Nazron ko walehana Haya se phir
Jhuka ley koi Nazar to samjho Ghazal hoi

Idhar machal ker unhein pukare Junoon Mera
Dharak uthe Dil Udhar to samjho Ghazal hoi

Udaas Bistar ki Silwatein jab Tumhein Chubhein
Na Soo sako Raat bhar to samjho Ghazal hoi

Wo Bad-Guman ho to Shair soojhe na Shayari
Wo Meherbaan ho Zafar to samjho Ghazal hoi'