'Poet: Amjad Islam Amjad

Milay Kaisay Saddiyun Ki Piyas Aur Pani Zara Phir Sy Kehna,

Bari Dil Ruba Hai Yeh Sari Kahani Zara Phir Sy Kehna..

Kahan Sy Chala Tha Judaie Ka Saya Nahi Deakh Paya,

K Rastay Mein Thi Aansoan Ki Rawani Zara Phir Sy Kehna..

Hawa Yeh Khabr Sunati Rahay Aur Ma Sunta Rahun,

Badalny Ko Hai Ab Yeh Moasum Khizani Zara Phir Sy Kehna..

Samay K Samudar! Kaha Tu Ny Jo Bhi, Suna, Par Na Samjhy,

Jawani Ki Nadi Mein Tha Taiz Pani Zara Phir Sy Kehna...'