Tere khayal mein kuch aisay gum raha barson
Main apne aap se bhi mil nahi saka barson

Kaheen wo zaiqa tehleel hi na ho jaey
Main us se mil k kisi se nahi mila barson

Kaha tha tum ne k tum laut aaoge ik din
So main jahan tha waheen par khara raha barson

Tere baghair meri umar raaigan guzri
Koi bhi kaam theek se nahi huwa barson

Tumhare haath ki dastak ki aas mein
Main apne ghar se kaheen bhi nahi gaya barson