Tere Harf-o-Lab Ka Talism Tha, Meri Aab-o-taab mein Reh Gaya
Wo Kisi Gulaab Ka Jism Tha Jo Meri Kitab Mein Reh Gaya

Meri Baat Baat Mein Roshni Mere Harf Harf Mein Dil-Kashi
Tu Mere Sharek-e-Wisaal-e-Jaan, Meri Her Kitab Mein Reh Gaya

Koi Phool Ban K Bhikar Gaya Koi Baat Ban K Bigar Gaya
Na Sawaal Koi Labon Pe Hai Na Gila Jawab Mein Reh Gaya

Tujhe Kiya Bataen K Kiye Hua Wo Saroor-e-Raqs-e-Wafa Gaya
Na Gunah Mein Rahi Baat Wo Na Maza Sawaab Mein Reh Gaya