Wafa K Rooth Jane Par Ghazal Takhleeq Hoti Hai
Kabhi Sajan Manane par Ghazal Takhleeq Hoti Hai

Main Lafzon K Samundar Mein Mila Deta Hoon Socho Ko
Phir Un Ki Yaad Aane Par Ghazal Takhleeq Hoti Hai

Mere Andar Jo Panchi Qaid Hai Saanson K zindan Mein
Ussi K Pharphrane Par Ghazal Takhleeq Hoti Hai

Chaman Mein Raqs Karti Hai Saba Jab Phool K Aagay
Tou Un K Muskurane Par Ghazal Takhleeq Hoti Hai

Mujhe Aata Nahi Hai Shair Likhna Aik Bhi Lekin
Tumhari Yaad Aane Par Ghazal Takhleeq Hoti Hai