Aseer-e-dasht-e-wafa ka na maajra kehna
Tamam poochne walon ko bas dua kehna

Ye kehna k raat guzarti hai ab bhi aankhon mein
Tumhari yaad ka qaaim hai silsila kehna

Ye kehna k chaand nikalta hai baam par ab bhi
Magar nahi wo shab ka ab maza kehna

Ye kehna k hum ne hi toofan mein daal di kashti
Qasoor apna hai darya ko kiya bura kehna

Ye kehne k tum se bichar k bikhar gaya hoon main
K jesay haath se gir jaey aaina kehna