Hairan hoon ke ye kon sa dastoo-e-wafa hai
Tu misl-e-rag-e-jan hai tou kyon mujh se khafa hai

Tu ahl-e-nazar hai tou nahi tujh ko khabar kyon
Pehlu mein tere koi zamanay se khara hai

Likha hai mera naam samandar pe hawa pe
Aur dono ki fitrat mein sakoon hai na wafa hai

Shikwa nahi mujh ko k hon mehroom-e-tamana
Ghum hai tou faqat itna k tu dekh raha hai

Hum rakhtay hain daawa k hai qaabu humein dil par
Tu saamney aa jaye tou ye baat juda hai