Waqt bhi rehta mere sath agar tum kehtey,
Haan badal jatey ye jazbat agar tum kehtey,

Main ne to chahat tha phir pyar ka sooraj chamkey,
Zindagi may hoti na yun raat agar tum kehtey,

Manzil mushkil to na thi apni, guzar hi jati,
Rehta hathon mein tera hath agar tum kehtey,

Tum ne kyun chhor diya mujh ko Muhabbat kar k,
Log yun krte na phir baat agar tum kehtey,

Bheegi palkon ka taqaza hai usay ye keh do,
Ruk bi sakti thi ye barsat agar tum kehtey,