Uljhay huye halaat ka shikwa na kia kar
Khairaat mein khushiyon ki tamana na kia kar

So baar kaha itni mohabbat nahi achi
So baar kaha itna bharosa na kia kar

Halaat tujhko mujhse na milne kabhi dein gay
Ay dost mere meri tamana na kia kar

Kiya jane ye kis morr pe le jaye zamana
Tu mujh ko kisi pal bhi elehda na kia kar

Mumkin hay kisi roz bichar jaon achanak
Tu mujh se pyaar itna ziada na kia kar