Be-sadaa gumbad-e-aflaak meray baad huwa
Sanyha ye bhi alamnaak meray baad huwa

Khaak hi kar diya phir khaak nashinoo mujhe
Khaak ka sara safar khaak meray baad huwa

Samnay meray jisay baat nahi aati thi
Wo bhi sunta hoon chalaak meray baad huwa

Jab meray sath tha logon se dara rehta tha
Log kehtay hain k be-baak meray baad huwa

Wo mujhe chor k khush baash nahi reh saka 'Mohsin'
Us ko bhi ye idraak meray baad huwa