Kab Lout K Aao Ge Bata Kyun Nahi Detay
Deewar Bahano Ki Gira Kyun Nahi Detay

Tum Paas Ho Mere Tou Pata Kyun Nahi Chalta
Tum Door Ho Mujh Se Tou Sada Kyun Nahi Detay

Ek Tery Siva Aur Kisi Ko Bhi Na Chaha
Ye Baat Zamanay Ko Bata Kyun Nahi Detay

Bahaar Ki Hawaon Ka Agar Khauf Hai Itna
Jo Roshni Andar Hai Bujha Kyun Nahi Detay

Raaton Ko Jaagnay Ki Saza Detay Ho Aksar
Tum Hum Ko Wafaon Ka Sila Kyun Nahi Detay