Mosam-E-Gul Mein Koi Zakhm-E- Judai De Ga,
Dil Ko Phir Kon Khizan Rut Se Rehai De Ga,

Jane Kis Rah Pe Le Jaye Ye Wehshat Dil Ki,
Tujh Se Bichra To Mujhe Kuch Na Sujhai De Ga,

Or Kuch Dair Ye Rounaq Hai Sar-E-Bazam,
Phir To Her Koi Gham-E-Dil Ki Duhai De Ga,

Ab Yehi Khowab Ganimat Hai K Tu Paas To Hai,
Bujhti Aankhon Ko Na Kal Kuch Bhi Dikhai De Ga,

Har Kisi Dar Pe Gham-E-Jaan Ki Tasheer Na Kar,
Ab Shifa Tujh Ko Wohi Dast-E-Hinaai De ga..