Yaad Aayen Ge Zamane Ko Misaalon K Liye..
Jese Boosida Kitaben Hon Hawalon K Liye..

Dekh Yun Waqt Ki Dehliz Se Takra K Na Gir..
Rastay Band Nahi Sochne Walon K Liye..

Saal'ha Saal Aqidat Se Khula Rehta Hay..
Mufarid Raahon Ka Aagosh Jiyaalon K Liye..

Raat Ka Dard Hay Gulbaag Sahar Ka Khaaliq..
Piyar Ka Dard Hay Ye Geet Ujaalon K Liye..

Shab-e-Furqat Mein Sulagti Hui Yaadon K Siwa..
Aur Kia Rakha Hay Hum Chahne Walon K Liye..?