ﻣﺤﺒﺖ ﺩﺷﺖِ ﻓﺮﻗﺖ ﻣﯿﮟ
ﺑﻨﺎ ﺭﺧﺖِ ﺳﻔﺮ ﭼﻠﺘﮯ ﮐﺴﯽ ﻣﺠﺬﻭﺏ ﮐﮯ ﺩﻝ ﺳﮯ ﻧﮑﻠﺘﺎ ﺍﯾﮏ
ﻧﻮﺣﮧ ﮨﮯ
ﻣﺤﺒﺖ ﺭﺍﺳﺘﻮﮞ ﮐﮯ ﺟﺎﻝ ﻣﯿﮟ ﺑﮭﭩﮑﺘﺎ ﮨﻮﺍ ﺭﺍﮨﯽ
ﮐﺴﯽ ﮐﮯ ﺑﺎﻡ ﭘﮧ ﭨﮭﮩﺮﺍ ﮨﻮﺍ ﺍﯾﮏ ﺍﺟﻨﺒﯽ ﭼﮩﺮﮦ
ﻣﺤﺒﺖ ﺧﻮﺍﺏ ﺑﻦ ﺟﺎﺋﮯ ﺗﻮ ﺗﻌﺒﯿﺮﯾﮟ ﻧﮩﯿﮟ ﻣﻠﺘﯿﮟ
ﻣﺤﺒﺖ ﺍﯾﮏ ﺑﺎﺭﺵ ﮨﮯ
ﺟﻮ ﺍﮎ ﺍﯾﮏ ﺑﻮﻧﺪ ﮐﺮ ﮐﮯ ﺗﻦ ﺳﮯ ﻣﻦ ﻣﯿﮟ ﺟﺐ ﺍﺗﺮﺗﯽ ﮨﮯ
ﺳﺮﯾﻠﮯ ﺳﺎﺯ ﺑﺠﺘﮯ ﮨﯿﮟ
ﺍﻧﻮﮐﮭﮯ ﺑﺎﺏ ﮐﮭﻠﺘﮯ ﮨﯿﮟ
ﻣﺤﺒﺖ ﮐﺮﻧﮯ ﻭﺍﻟﮯ ﺗﻮ ﻓﺼﻞِ ﺟﺎﮞ ﮐﻮ ﺩﺍﺅ ﭘﺮ ﻟﮕﺎ ﮐﺮ
ﺑﺎﺕ ﮐﺮﺗﮯ ﮨﯿﮟ
ﻣﺤﺒﺖ ﺍﯾﮏ ﺳﺮﮔﻮﺷﯽ
ﮐﺴﯽ ﻓﻨﮑﺎﺭ ﮐﮯ ﮨﺎﺗﮭﻮﮞ ﺳﮯ ﺟﮭﮍﺗﺎ ﺑﮯ ﺧﻮﺩﯼ ﮐﺎ ﺭﺍﮒ
ﻣﺤﺒﺖ ﺑﺎﺭﺷﻮﮞ ﮐﮯ ﻣﻮﺳﻢ ﻣﯿﮟ ﯾﺎﺩ ﮐﯽ ﮐﺎﯾﺎ
ﻣﺤﺒﺖ ﺟﻠﺘﮯ ﺗﭙﺘﮯ ﺭﺍﺳﺘﻮﮞ ﭘﺮ ﭘﮭﯿﻠﺘﺎ ﺳﺎﯾﺎ
ﻣﺤﺒﺖ ﺍﮎ ﻗﻀﺎ ﺑﻦ ﮐﺮ ﺑﮭﯽ ﺁﺗﯽ ﮨﮯ
ﮐﺌﯽ ﻟﻮﮔﻮﮞ ﮐﮯ ﺟﯿﻮﻥ ﻣﯿﮟ
ﻣﺤﺒﺖ ﻣﺮﮒِ ﮔﻞ ﺑﮭﯽ ﮨﮯ
ﻣﺤﺒﺖ ﯾﺎﺱ ﮐﯽ ﺻﻮﺭﺕ
ﺍﮎ ﺍﯾﺴﯽ ﭘﯿﺎﺱ ﮐﯽ ﺻﻮﺭﺕ
ﮐﺒﮭﯽ ﺟﻮ ﺑﺠﮫ ﻧﮩﯿﮟ ﭘﺎﺗﯽ
ﻣﺤﺒﺖ ﺍﮎ ﺍﺩﺍﺳﯽ ﮨﮯ
ﺑﻼ ﮐﯽ ﺧﺎﻣﺸﯽ ﺑﮭﯽ ﮨﮯ
ﻣﺤﺒﺖ ﻣﻮﺳﻤﻮﮞ ﮐﻮ ﺣﺴﻦ ﮐﺎ ﭘﯿﻐﺎﻡ ﺩﯾﺘﯽ ﮨﮯ
ﻣﺤﺒﺖ ﭼﺎﮨﻨﮯ ﻭﺍﻟﻮﮞ ﮐﮧ ﯾﮧ ﺍﻧﻌﺎﻡ ﺩﯾﺘﯽ ﮨﮯ
ﻗﺒﻮﻟﯿﺖ ﮐﮯ ﺩﺭﻭﺍﺯﻭﮞ ﭘﮧ ﻣﮩﮑﯽ ﺍﮎ ﺩﻋﺎ ﺑﮭﯽ ﮨﮯ
ﻣﺤﺒﺖ ﺍﮎ ﺳﺰﺍ ﺑﮭﯽ ﮨﮯ
ﻣﺤﺒﺖ ﭘﺖ ﺟﮭﮍﻭﮞ ﮐﺎ ﻧﺎﻡ
ﻣﺤﺒﺖ ﺍﮎ ﺳﻠﮕﺘﯽ ﺷﺎﻡ !!!!..